Sunday, September 27, 2015

கமல் ரசிகர்களின் கலக்கம் ஏன்?

"இதைக் கண்டிப்பாக கமல் ரசிகர்கள் செய்திருக்க வாய்ப்பில்லை.யார் சொன்னாலும் நான் நம்பமாட்டேன்" என்றார் நண்பர்.

"ஏன் அப்படிச் சொல்றீங்க"

"கமல் ரசிகர்கள்னு யாராவது இருக்காங்களா என்ன? அப்படி யாராவது இருந்தால் தானே தாக்குவற்கு"

இது கொஞ்சம் ஓவர். நாம் இப்படி பேச முடியாது.

இருந்தாலும் சிவகார்த்திகேயன் தாக்கப்பட்ட பின் கமல் ரசிகர்களின் கொண்டாட்டங்களைப் பார்க்க்கும்போது அவர்கள் ஒரு பதட்டத்தில் இருப்பது நன்றாகத்தெரிகிறது. தாக்குதல் நடந்தநாளில் கமல் அங்கு இருந்தும்கூட எந்த கண்டனமும் தெரிவிக்கவில்லை என்பதும் குறிப்பிடத்தக்கது.

ஏன் இந்தப் பதட்டம்.

1. சொந்தசரக்கு: கமல் தனது வாழ்க்கையைப் பிரதிபலித்து எடுத்தபடம் உத்தமவில்லன். ரிசீசாகவே திணறிய அந்தப்படம் படுதோல்வியடைந்தது. அதற்கு தயாரிப்பாளரே காரணம் என கைகாட்டினார் கமல். மோகன்லாலுக்காக உருவாக்கப்பட்ட திரிஷ்யன் மலையாள ரீமேக் பாபனாசம் ஓரளவு காப்பாற்றியது. அதில் கமல் நடிப்பு திறமை என ரசிகர்கள் தங்களைத்தேற்றிக்கொண்டாலும்,  நடிக்கவே தெரியாத அஜய் தேவ்கன் நடித்த இந்தி வெர்சனும் சூப்பர்ஹிட். எனவே இதில் கமல் பெருமைகொள்ள ஏதுமில்லை என்பது தெளிவு.

அதைத்தொடர்ந்து அடுத்தபடமான தூங்காவனமும் ரீமேக்தான். ஆனால் சிவகார்த்திகேயன் நடித்த 8 படங்களும் அவருக்கு உருவாக்கப்பட்ட கதைகள்.

2. வெற்றிவிகிதம்

பெரிய நடிகர்கள் யாருமே ஒரு சமயத்தில் ஒரு படத்துக்குமேல் நடிப்பதில்லை. புதிய நடிகரான சிவகார்த்திகேயன் கூட இன்னும் அடுத்த படத்துக்கு கமிட் ஆகவில்லை. ஆனால் படங்களை ரிலீஸ் செய்ய முடியாமல் அடுத்தடுத்து நடித்து வருகிறார் கமல். விஸ்வரூபம் 2 என்ன ஆனது என்றே தெரியவில்லை. படங்களில் வரவேற்பு குறைவதால் துணிக்கடை விளம்பரங்களில் நடித்து வருகிறார் என்று தகவல்கள் வருகின்றன.

3. மூட நம்பிக்கை ரசிகர்கள்

தனக்கு பிடித்தவர்களை எப்படியெல்லாம் விளிக்கலாம் என்று சில முறை இருக்கின்றன. ஆனால் "ஆண்டவரே" என்று சொல்வதெல்லாம் கொஞ்சம் ஓவர். கடவுள் இல்லை என்று சொல்லிக்கொள்ளும் கமல் இந்த மூடத்தனத்தை எப்படி அனுமதிக்கிறார் என்பது ஆச்சர்யம் தான். கமல் பக்தர்கள் என்று சொல்லிக்கொள்ளும் இவர்களுக்கு கமல் பேசும் பகுத்தறிவு ஏதாவது புரிகிறதா என்பது வியப்புதான்.

தொடர் தோல்விகளால் பதட்டம் இயல்புதான், ஆனால் பொறாமையத் தவிர்த்து தங்கள் கவனத்தை ஆக்கப்பூர்வமாக படைப்புகளில் செலுத்துவது மட்டுமே மூத்த படைப்பாளிக்கும் அவரது ரசிகர்களுக்கும் பெருமைசேர்க்கும் என்பது மக்கள் கருத்து.


Wednesday, September 23, 2015

மதுரை தாக்குதலுக்குப்பின் கமல் கருத்து - மக்கள் அதிர்ச்சி

வளர்ந்துவரும் நடிகர் சிவகார்த்திகேயன், மதுரையில் சில ரவுடிகளால் தாக்கப்பட்டது தெரியவந்ததும் அனைவரும் அதிர்ந்தனர். சினிமா ஆர்வமிலாத நடுநிலையார்களும்கூட இந்தச் சம்பவத்துக்கு கண்டனம் தெரிவித்து வருகின்றனர்.


இந்த தாக்குதலை நடத்தியது அவரின் தொடர் வெற்றிகள் மீது பொறாமை கொண்ட கமல் ரசிகர்கள் தான் என்று ஆரம்பத்தில் செய்திகள் வந்தவண்ணம் இருந்தன, சிவகார்த்திகேயன் வருவதற்கு சிறிது நேரம் முன்புதான் கமல் அங்கு வந்திறங்கிறார் என்பதும் குறிப்பிடப்பட்டது. ஆனால் இதில் கமலுக்கு ஒப்புதல் இருக்காது என்பதே அனைவரின் கருத்தாக இருந்தது.

ஆனால் புதிய தலைமுறை வெளியிட்டுள்ள இந்த வீடியோ நடுநிலையார்களை அதிர்ச்சிகுள்ளாக்கி இருக்கிறது. தாக்கப்பட்ட பின்னரும் யாரையும் குறைக்கூறாமல், அது ஒரு சிறிய சம்பவம் எனச் சொல்லி தனது பெருந்தன்மையை சிவகார்தியேயன் காட்டினார்.

ஆனால் அதற்கு மாறாக, உலகமே வீடியொவில் பார்த்த அந்த சம்பவம்(தாக்குதல்) நடக்கவே இல்லை என்பதுபோல “அதெல்லாம் ஒன்றுமில்லை” என்று கமல் வெகு கூலாக சிரித்துக்கொண்டே சொல்லும் காட்சி அனைவரையும் அதிர்ச்சிக்குள்ளாக்கி இருக்கிறது.  இது சில சந்தேகங்களையும் எழுப்புவதாக சிலர் கருத்து தெரிவிக்கின்றனர்.இதில் சம்பத்தப்பட்டவர்களை காப்பாற்ற முயல்கிறாரா என்றும் கேள்விகள் எழுப்பப்படுகின்றன.

வீடியோ லின்க்
https://www.youtube.com/watch?v=mrE0LyHmBr8



சிவகார்த்திகேயன், தன்மீது தாக்குதல் நடந்த பின்னரும் ஒரே மேடையில் கமலுடனே சிரித்தவண்ணம் கலந்துகொண்டதும் மக்களால் பாராட்டப்படுகிறது.



கமல் ஒரு மகத்தான கலைஞர் என்பதில் நமக்கு மாற்று கருத்தில்லை. இருந்தாலும் இந்த சம்பவம் மக்கள் மனதில் கவலையை உருவாக்கியுள்ளது.

Thursday, March 1, 2012

சாரு, எம்.டி.எம்- க்கு கவுண்டமணி அட்வைஸ்

யாருப்பா இந்த எம்.டி.எம் என்று பரபரப்பாக இருந்தது ஒரு காலத்தில். நம்மைபோன்ற புது வாசகர்ளெல்லாம், சிங்கம் களமிறங்கிடுச்சு என பார்த்துக் கொண்டிருந்தோம். அவரெல்லாம் அந்தக் காலத்திலேயே அப்படி என்றார்கள் சிலர்.
தமிழுக்கு பல கலைச் சொற்களைத் தந்தவர் என்பது அவரது பெருமையாகச் சொல்லப்பட்டது. அந்த விவாதம் சட்டென முடிந்தாலும் இதுபோன்ற ஒரு விவாதம் மூலம் கவனத்துக்கு வந்தது இலக்கிய வாசகர்களுக்கு ஒரு வாய்ப்பாகவே இருக்கும் என நினைத்தோம்.
 
ஆனால் அது சிறிது காலம் தான். அவரது இன்னொரு விவாதத்தில் அவரது இன்னொரு முகம் வெளிவந்தது.  அவர் தற்போது வெற்றிகரமாக அறிமுகப்படுத்திய கலைச்சொல் "பொறுக்கி மொழி' என்பது தான்.  இப்போது இவர் பயன்படுத்தும் வார்த்தைகளைக் கண்டு இலக்கிய உலகம் கலங்கிப் போய்தான் உள்ளது.. மயிராண்டி.. சவத்து மூதி..இதெல்லாம் தான் இவர் பயன்படுத்தும் கலைச் சொற்கள் இப்பொழுது.
 
இன்னொரு எழுத்தாளர் சாரு. இவர் வெறிநாய், சொறிநாய் என்று இன்னொரு பதிவு எழுதியுள்ளார்.
 
என்ன பிரச்சனை இவர்களுக்கெல்லாம்? மாமல்லன்!.
 
மச்சி சார் என அழைக்கப்படும் மாமல்லனின் அதிரடி முறைகளோடு நமக்கு உடன்பாடு இல்லாவிட்டாலும், இவரின் பங்கு மறுக்கமுடியாதது. ஜெயமோகன், எஸ்ரா, சாரு மற்றும் எம்.டி.எம் என்று பாரபட்சமில்லாமல் அடித்து நொறுக்குவது இவரது பணி. இதில் சில நமக்கு அபத்தமாகத் தோன்றினாலும் பல முக்கிய பதிவுகள் இவருடையது.
 
ஆனால் இவரை எதிர்கொள்ள முடியாமல், கீழ்த்தரமான முறையில் இவரை வசைபாடுவது ஏற்கமுடியாத ஒன்று.  படைப்பாளி விமர்சனத்தைப் பொருட்படுத்தினால் பதில் சொல்லவேண்டும், அல்லது கடந்துபோவதே சரி. கீழ்த்தரமான வசையில் இறங்குவது படைப்பாளிகள் என்று சொல்லிக்கொள்பவர்களின் இயலாமையைத் தான் காட்டுகிறது.
 
சரி மாமல்லனின் வார்த்தைப் பிரயோகங்கள் சரியாய் எனக் கேள்விவரலாம். எப்போதுமே விமர்சகனுக்குக் கொஞ்சம் சுதந்திரம் அதிகம்.
 
"ரௌடித்தனம் செய்யனும்னு ஆசைப்படுறவன் சொந்தவீடு வச்சிருக்கக் கூடாது.." என்பார் கவுண்டமணி ஒரு படத்தில். இதை சாருவுக்கும், எம்.டி.எம் கும் நாம் டெடிகேட் செய்கிறோம்...

Tuesday, February 7, 2012

மானமா? சாருவுக்கா?

மனிதர்களுக்கு பொறாமை வருவது இயல்பு. ஆனால் பொறாமையே மனிதராக வாழ்வது என்பது ஒரு அதிசயம் தான். சாரு என்ற எழுத்தாளர்(??) அப்படியொரு அதிசயம்.
 
அப்படி இவர் என்னதான் எழுதினார் என்று தெரியவில்லை. எப்போதும் புலம்பல்களும் வசைகளுமாக வாழும் இவர், அந்த வசைகளைத் தொகுத்து வெளியிட்ட லேட்டஸ்ட் நாவல் பற்றிய கூட்டம் ஒன்று நடந்தது.
 
சரி அதில் என்னதான் அப்படி பேசினார்கள் என்றால், அவர் பேசியது எல்லாமே எஸ்ராவுக்கு நடந்த விழா பற்றி. இப்படியோரு மானம் கெட்ட செயல் ஏதாவது உண்டா எனத் தெரியவில்லை. நாவலைப் பற்றி கூட்டம் நடத்தினால் அதைப் பற்றி பேசவேண்டியது தானே? 
 
இதை ஒரு தொடராகவே அவரது தளத்தில் எழுதத் தொடங்கிவிட்டார். உண்மையில் அவர் மீது நம்பிக்கை இருந்தால் அவர் நாவல் தொடர்பான விவாதங்களை செய்ய வேண்டும். ஆனால் பாவம் அவ்வளவு மானம் இருந்தால் அவர் ஏன் இப்படி இருக்கிறார்.
 
அப்படியென்றால் அவர் நாவலைப் பற்றி சொல்ல அவருக்கு எதுவும் இல்லையா? அவர் நடத்திய கூட்டத்தின் தலைப்பு என்ன? நாவல் மீதான விவாதம் என்று கூறி, சம்பந்தமிலாமல் புலம்புவது வந்தவர்களை செருப்பால் அடித்தது போலாகாதா?
 
ரஜினி பேசியது இலக்கியம் பற்றி வாசிப்பு பற்றி. ஆனால் அவரை நடிகர் என்கிறோம்.
 
சாரு பேசுவது பொறாமை மற்றும் வசைகள். ஆனால் அவரை எழுத்தாளர் என்கிறோம்.
 
என்ன மாதிரியான சூழலில் தமிழ் இலக்கிய உலகம் இருக்கிறது.

Friday, December 16, 2011

சாருவுக்கே அவதூறா? அடிப்பொடிகளின் அட்டாக்

சாருவின் நிகழ்சிகள் என்றால் பரபரப்பு மற்றும் அக்கப்போர் பிரியர்களுக்கு எப்போதுமே தீனிக்குப் பஞ்சமில்லை. அவரது லேட்டஸ்ட் புத்தக வெளியீடும் அதைச் சுற்றி நடக்கும் அக்கப்போர்களும் நம்மைப்போன்ற இலக்கிய வாசகர்களின் இலக்கிய தாகத்தை தணித்து வருகின்றன.

இந்நிலையில் இந்தப் புத்தகத்தை முழுவதும் வாசித்து ஒருவர் எழுதிய விமர்சனம் பரபரப்பாகப் பேசப்படுகிறது. அந்த விமர்சனத்துக்கு பல விமர்சனங்கள் வந்து விட்டன.

http://www.tamilpaper.net/?p=5024

புத்தகத்தை விமர்சித்த அவரை சாருவின் ரசிகர்கள் பலவிதமாக விமர்சித்தனர். அதன் உச்சகட்டமாக சாருவின் தளத்தில் வந்துள்ள இந்த விமர்சனம்.

இதைப் படித்தபின் விமர்சித்த அவர் எழுதுவதையே விட்டுவிடுவார் எனத் தோன்றுகிறது. அப்படி ஒரு காட்டமான வசை இது. சாருவோடு மோதுபவர்களுக்கு இது நல்ல பாடம். நல்ல வேணும்,,, யாரு கிட்ட...

முதலில் உள்நோக்கம் என்றார்கள், அடுத்தது அரவது கவிதைகளைப் பற்றி திட்டினார்கள். அப்போதும் அவர் அசரவில்லை.

கடைசியாக அவரும் சாரு மாதிரி தான் எழுதுகிறார் என்று ஒரு கடுமையான வசை. ஆனால் நமக்கு என்ன சந்தேகம் என்றால் இதில் யாரை திட்டுகிறார்கள் என்றே புரியவில்லை.

சாரு போல எழுதுவது அவ்வளவு அசிங்கமா? :)



----------------------------------------
charuonline.com/blog/?p=2722

"இப்போது, இந்த சி. சரவணகார்த்திகேயனுக்கு ஒரு வார்த்தை. உங்களைப்பார்த்தால் உண்மையில் பரிதாபமாகவே இருக்கிறது. ஏனெனில், சாருவைப் பற்றி எதையாவது தவறாக எழுதவேண்டும் என்ற நோக்கில், மூளை, நாடி, நரம்பெங்கும் சாரு வெறி பரவியதில், சாருவாகவே நீங்கள் மாறிவிட்டீர்கள் என்று தெரிகிறது. அதனால்தான் சாரு எழுதியதைப்போலவே உங்கள் விமர்சனம் என்ற துவேஷ வாந்தியும் இருக்கிறது."

-------------------------


இதுக்கு என்ன சார் அர்த்தம்? சாரு மாதிரி எழுதுவது தான் ரெம்பக் அசிங்கமான விஷயாமா? இதை சாரு தளத்திலேயே சொல்வதற்கு சாருவுக்கு எவ்வளவு நேர்மை இருக்கிறது...




ஆனால் சாருவின் ரசிகர்களுக்கு நமது வேண்டுகோள் ஒன்று. விமர்சிப்பவர்களை எப்படி வேண்டுமானாலும் நீங்களும் விமர்சியுங்கள். ஆனால் சாருவோடு ஒப்பிட்டு திட்டாதீர்கள். பாவம் அவர்கள். :)

Thursday, December 1, 2011

கொலைவெறி டி - தமிழன் இளிச்சவாயனா

தனது அறிவுலக சொத்துகளை பிறருக்குக் கொடுத்துவிட்டு அவர்களையே வாய்பிளந்து பாத்துப் புகழ்வதுதான் தமிழனின் தலைவிதி. தமிழனுக்கு இது பழகியது தான். இதை ஒரு வழக்கமாகவே பழகிக்கொண்ட தமிழனுக்கு இது ஒரு பெரிய விசயம் இல்லை தான்.

ஆதிக்க சக்திகளின் சதியையும், அவர்களின் கைக்கூலிகளின் கூப்பாடுகளையும் தமிழனின் தலை விதியையும் நினைக்கும் எவருக்கும் ரத்தம் கொதிப்பதை மறுக்க முடியாது. ஆனால் இன்றைய சூழலில் தமிழர்கள் ரத்தம் கொதிப்பதைத் தவிர வேறு எதுவும் செய்ய இயலாத கையாலாகாத நிலைமையில் இருப்பதுயும் மறக்கக் கூடாது. (மறுக்க.. மறைக்க)

"கொலைவெறி டி" என்ற பாடலை தனது வீடுகளிலேயே கேட்டுக் கொண்டு புல்லரிக்கும் தமிழர்களைப் பார்த்தால் நமக்கு சிரிப்பதா அல்லது அழுவதா என்று தெரியவில்லை. இந்தப் பாடல் எங்கும் பரவும்போது மகிழ்ச்சியடையும் தமிழன், தான் இன்னும் இளிச்சவாயன் தான் என ஒப்புக் கொள்கிறான்.

முறத்தால் புலியை விரட்டிய பெண்களைப் பற்றிப் பாடிய வரலாறு கொண்ட தமிழினத்தின் தன்மானத்தை தரம் தாழ்த்த, குலம் கெடுக்கும் கோடாரிக்காம்பு போல, தமிழர்கள் என்று சொல்லிக் கொள்ளும் சிலாரார் வெளியிடப் பட்டுள்ளது இந்தப் பாடல்.

"ஏன் இந்த கொலைவெறி" என்று உண்மையில் சொன்ன வடிவேலுவின் பெயரும் திட்டமிட்டு மறைக்கப் படுவது எந்தவிதமான நுண்ணரசியல் என்று நான் சொல்லித் தெரியவேண்டியதில்லை.

தமிழனையும், தமிழ் பண்பாட்டையும், குறிப்பாக தமிழ் பெண்களையும் அந்நிய மொழிகொண்டு வசைபாடும் இதுபோன்ற பண்பாட்டு அவலங்களை இன்னும் அனுமதித்தால், தமிழன் என்ற ஒரு இனம் இருந்ததை வரலாற்றில் கூட தேட முடியாதோ என்ற துக்கம் தம்மை தாக்குவதால் இதோடு முடித்துக் கொள்கிறோம்.

கண்ணிருப்போர் பார்க்கட்டும், காத்திருப்போர் கேட்கட்டும், கொஞ்சமாவது தன்மானமுயோர் கொஞ்சம் யோசிக்கட்டும்!!

Friday, November 25, 2011

வடிவேலு இலக்கியவாதியா? - சாரு லேட்டஸ்ட் இலக்கிய சர்ச்சை

வடிவேலு வசனங்கள் வெறும் காமெடி என்று தான் நினைத்து இருந்தோம். ஆனால் அவர் பேசுவதும் இலக்கியம் தான் என ஒரு முக்கிய இலக்கிவதியால் இப்போது தெரியவந்துள்ளது.

குழப்பமாக இருக்கிறதா. இதோ உங்கள் பார்வைக்கு..



















வடிவேலு டயலாக்:


"மாமூல் வாங்கி பிரியாணி சாப்பிடறப்போ லெக் பீஸ் எல்லாம் நீ சாப்பிட்டிட்டு வெறும் குஸ்கா மட்டும் எனக்கு கொடுத்த. சரி வளர்ற பிள்ளையாச்சே சாப்பிட்டு போகட்டும்னு விட்டேன். அதுக்கு நீ காட்டுற நன்றி இது தானப்பா?"


இலக்கியவாதி டயலாக்:

உங்கள் சிறுகதைகளை உலகத் தரமானது என போற்றிக் கொண்டாடி இருக்கிறேன்....... உங்களை என் அளவுக்குப் பாராட்டியவர்கள் தமிழில் குறைவு என்றே நினைக்கிறேன். ...

அந்த நாவல் எப்படிப்பட்டதாகவும் இருக்கட்டும்; அதை நீங்கள் படிக்க நேரம் இல்லாமல் போகட்டும். உங்களுக்கு அது வந்து சேர்ந்ததா என்று 20 நாட்களுக்கு முன்பு கேட்டதற்கு இன்று வரை பதில் சொல்லாததை எப்படி நான் புரிந்து கொள்வது? ....


2010க்கான பாரதீய ஞான பீடப் பரிசுக்காக ஒரு பெயரைப் பரிந்துரைக்கச் சொன்னார்கள். பாரதீய ஞான பீடத்திற்கு நான் உங்கள் பெயரைத்தான் பரிந்துரை செய்தேன். அதையும் உங்களுக்கு போன் செய்து சொன்னேன். இந்த ஆண்டும் பரிந்துரைக் கடிதம் வரும். இந்த ஆண்டும் உங்கள் பெயரையே பரிந்துரை செய்வேன்.

.....................



ஒருவரின் படைப்பை உலகத் தரமானது என பாராட்டினால் அவரும் பதிலுக்கு பாராட்டியவரின் படைப்பைப் பற்றி பேச வேண்டுமா? இதற்குத் தான் அதுவா? ஒகே ஒகே

இப்படித் தான் இலக்கிய உலக விருதுகள் நடக்கிறதா? ஒகே ஒகே

இதை எப்படி புரிந்துகொள்வது என நமக்குத் தெரியவில்லை. பாராட்டு என்பது தான் இலக்கிய உலக பிரியாணியா என்ன?