Tuesday, September 27, 2011

மங்காத்தா அஜித்- தியாகத் திருவுள்ளம்

சமுதாயத்தில் நல்ல மதிப்பான பதிவியில் ஒருவர் இருந்தார். நல்ல மரியாதை. நல்ல மதிப்பு. ஆனால் பணத்தாசையால் அவர் அவரது பதவி, மரியாதை எல்லாத்தையும் இழந்தார். இதுல என்ன காமெடின்னா எல்லா பணமும் அவருக்கில்லை. ஆனால் அவரால் பலன்பெற்றவர் நாட்டில் சுதந்திரமாக இருக்க இவர் சதிகாரர் என்று அசிங்கப்பட்டு விட்டார். ஐயோ பாவம் என்று இருக்கிறதல்லவா?


ஹலோ, ஹலோ... கொஞ்சம் பொறுங்க.. நான் அரசியல் பற்றியெல்லாம் எதுவும் பேசவில்லை..இது சினிமா பற்றி தான்.



இப்படியொரு ஏமாந்த சோணகிரி வேடத்தில் எந்தவொரு ஹீரோவும் நடிக்கமுன்வரமாடார்கள் என்றாலும், தைரியமாக நடித்த அஜித்க்கு நமது வாழ்த்துக்கள்.

நாலு கோட் ஷர்ட் மற்றும் நாலு கூலிங் கிளாஸ் கொடுத்தால் அவர் நடிக்க வந்துவிடுவார். அவர் ரசிகர்களும் திருப்தியடைத்து விடுவார்கள் என்று சிலர் சொல்கிறார்கள். ஆனால், நாம் அதை நம்பவில்லை.



இயக்குனரையும்
கண்டிப்பாக பாராட்டவேண்டும். அர்ஜுன் தான் உண்மையான ஹீரோ என்ற சஸ்பென்ஸ் ரசிகர்களுக்கு கடைசிவரை தெரிந்துவிடாமல் பார்த்துக்கொண்டது மட்டுமல்லாமல் அஜித்க்கும் தெரியாமல் பார்த்துக் கொண்டாரே. வாழ்த்துக்கள் வெங்கட் பிரபு.

அறிமுகத்தில் இருந்து கடைசிவரை கலக்கும் நம் பிரேம்ஜிக்கும் வாழ்த்துக்கள். அண்ணன் படம் நீங்க உங்க இஷ்டத்துக்கு விளையாடுங்க. ஆனா நாங்கெல்லாம் பாவம் அதையும் கொஞ்சம் மனசுல வைங்க. அஜித் அளவுக்கு எங்களுக்கெல்லாம் எதையும் தாங்கும் இதயம் இல்ல சார்.. எதோ பார்த்து பண்ணுங்க..


இந்தப் படம் சூப்பர் ஹிட் என்று எல்லோரும் சொல்லும்போது ஒன்று யோசித்தேன்.

இதுவே ஹிட் என்றால். உண்மையில் ஏதாவது இயக்குனர் இவரை ஏமாற்றாமல் நல்ல படம் எடுத்தால் அது எவ்வளவு பெரிய ஹிட் ஆகும் என்று

கடைசியாக ஆக்ஸன் கிங் அர்ஜுன்க்கு வாழ்த்துக்கள். ரெம்ப நாளைக்குப் பிறகு ஒரு ஹிட் படம்!!

வாங்க பறக்கலாம்

அந்தக் காலத்துல கதை கேக்கும்போது கிட்டத்தட்ட எல்லா ராஜாவுக்கும் ஒரு பறக்குற குதிரை வந்து சேரும்.

அந்தக் குதிரை இப்போ என்கிட்டே வந்திருக்கு. வாங்க, பறக்கலாம்... பரபரப்பா!!